Ukraina Minsk añlaşmalarında deñişüvler üzerinde çalışa, – Prıstayko

uatv
21.02.2020
Foto Ukrinform-UATV

Ukraina Tışqı işler naziri Vadım Prıstayko, Ukraina Minsk añlaşmalarına deñişmeler kirsetmege istegenini bildirdi.

Bu aqta Amerika Sesi haber etmekte.

“Cenk devam ete, ve biz, bu cenkni başlağan Rusiyege qolay çetke çekilmege izin berip olamaymız. BMT bütün azaları öz ükümetlerine cenk alâ daa bitmegenini ve Ukraina yardımğa muhtac olğanını hatırlatqanlarını isteymiz”, – dedi nazir.

Onıñ aytqanına köre, Rusiyeniñ itirazlarına baqmadan Ukraina Minsk añlaşmalarınıñ yañı variantı üzerinde çalışa.

“Al-azırda ukrain tarafı, Minsk añlaşmaları özüni tüketkeni ve deñişmeler kerek olğanına iştirakçilerniñ episi inadırmaq içün çalışa”, – dedi Prıstayko.

Aynı zamanda nazir, Minsk añlaşmalarına bazı deñişmeler kirsetilgenini qayd etti. Bular “Ştaynmayyer formulası ve küçlerniñ keri çekilmesi”.

Vadım Prıstayko, Ukraina ve Rusiye arasında mabüsler deñişüvini Minsk esnasınıñ yekâne qısmiy irişmesi, dep adalandırdı.

Şimdiki vaqıtta yañı deñişüvge azırlıqlar körülgenini bildirdi.

Джерело UATV
дата 21.02.2020
категорії SİYASET
поділитися
Топ новин на UA|TV