Ukraina Milliy bankı dolaşuvğa Aqyar şeeri resminen hatıra moneta çıqardı (FOTO)

Moneta tiraji - 45 biñ nuhsa

uatv
27.12.2018

Foto UMB

Ukraina Milliy bankı dolaşuvğa, Aqyar şeeri resminen 5 grivnalı hatıra moneta çıqardı.

Bu aqta Ukraina Milliy Bаnkı saytında haber etile.

Kapikniñ ög tarafında, töpede UKRAİNA yazısı, tübünde BEŞ GRİVNA, ortada – Ukraina devlet tuğrası, onıñ tübünde ise – kapikniñ darp etilgen yılı yazılğan – 2018; sağ taraftan – UMB Banknota-moneta sarayınıñ logotipi.

Art tarafında ise: töpede AQYAR yazısı; şeerni timsal etken resim: yelkenli gemi (töpede), onıñ tübünde şeerniñ timallerinden birisi – ХХ asırnıñ başında qurulğan köpür, lengenr haçı, gemi topı ve gülleden çatma (sol taraftan), onıñ töpesinde ise Hersones sutunları; kapikniñ tübü yüzüm kütügi ve yapraqlar şeklinde yaraştırılğan.

HATIRLATAMIZ:  Ukraina Milliy bankı dolaşuvğa, altıköşellik şeklinde yapılğan 4 yañı hatıra moneta çıqarğan edi.

Menba UATV
tarih 27.12.2018
kategoriyalar İQTİSADİYAT
paylaşmaq
UA|TV top haberleri