Ukraina Merkeziy saylav komissiyası elektron protokollarnıñ 35 faizinden ziyadesini sayıp çıqtı

uatv
22.07.2019
Foto UATV

Merkeziy saylav komissiyası nevbetten tış parlament saylavlarında elektron protokollarnıñ 35,51 faizinden ziyadesini sayıp çıqtı.

Bu aqta Merkeziy saylav komissiyası saytında haber etile.

Bu malümatqa köre, birinci yerni 42,19% “Halq hızmetçisi” (“Sluğa narodu”) firqası qazana.

“Muhalefet platforması – Yaşayış içün” (“Oppozıtsiyna platforma – Za jittâ”) –12,75%, “Avropa birdemligi” (Yevropeyska Solidarnit) – 8,71%, “Vatan” (“Batkivşçına”) – 8,15%, “Ses” (“Ğolos”) – 6,39% liderden bayağı artta qalalar.

Qalğan fırqalar 5 faiz baryeni keçmediler.

Hatırlatamız: İyülniñ 21-nde Ukrainada nevbetten tış parlament saylavları olıp keçti.

Merkeziy saylav komissiyasınıñ malümatına köre, saylayıcılarnıñ 49,84%-ı rey berdi. Bu raqam Ukraina parlament saylavlarında saylayıcılarnıñ faaligine köre eñ alçaq oldı.

Polis, milliy gvardiya, qırtarıcılar ve sıñırcılar iç bir bozuvlarnı qayd etmedi.

Menba UATV
tarih 22.07.2019
kategoriyalar UKRAİNA
paylaşmaq
UA|TV top haberleri