Ukraina Memleketlerara para fondunen yañı işbirlik programmasını dekabr ayında imzalaycaq ola, – Gonçaruk

uatv
30.09.2019
Foto kmu.gov.ua

Bir qaç aftadan soñ bazı ukrain nazirleri, Memleketlerara para fondunen aytışmalar devam etilmesi içün Amerika Birleşken Devletlerine ketecek. Dekabr ayında ise Nazirler kabineti Memleketlerara para fondunen yañı işbirlik programmа imzalanılmasını bekley.

Bu aqta Ukraina baş naziri Оleksiy Gonçaruk Facebookta haber etti.

“Memleketlerara para fondu öz missiyasını yekünledi. Nufuzlı dünya teşkilâtından işdeşler Ukrainağa üç yılğa yañı işbirlik programması muzakere etilmesi içün keldi. Bu, eñ az daa bir qaç ay devam etecek, dekabr ayınacek bellesem, aytışmalarnıñ başıdır. Dekabr ayında yañı programma izmzalanılacaq. O vaqıtqa qadar bir qaç basamaq olacaq”, – dep qayd etti Gonçaruk,

Onıñ aytqanına köre, bir qaç aftadan soñ bazı ukrain nazirleri Amerika Birlşeken Devletlerine aytışmalarnı devam etmek içün baracaqlar.

Evel, Ukraina Milliy Bankı reisiniñ muavini Yekaterina Rojkova, Memleketlerara para fondunen aytışmalar eki aftadan soñ Washingtonda devam etecek, dep bildirdi.

Menba UATV
tarih 30.09.2019
kategoriyalar İQTİSADİYAT
paylaşmaq
UA|TV top haberleri