Ukraina, işğal etilgen Qırımdaki yañı tevqifler sebebeinden Rusiye Federasiyasına qarşı sanktsiyalarnıñ arttırılmasını istey

uatv
12.06.2019
Foto Ukrinform-UATV

Ukraina Tışqı işler nazirligi halqara ortaqlarından, işğal etilgen Qırımda insan aqları bozulmasınıñ toqtatılması içün, Rusiyege qarşı siyasiy, iqtisadiy ve sanktsiyalar sıqıştıruvınıñ arttırılmasını istedi.

Bu aqta idareniñ beyanatında yazıla.

Ukraina, iyunniñ 10-nda işğal etilgen yarımadanıñ Aluşta, Qarasuvbazar ve Aqmescit rayonlarında ötkerilgen yañı kütleviy qanunsız tintüvler ve qırımtatarlarnıñ tutulması sebebinden qatiy narazılıq bildire.

İşğalciler, Rusiyede terrorcı sayılğan ve yasaq etilgen “Hizb-ut-Tahrir” diniy teşkilâtınıñ teşkil etmesi ve işinde iştirak etmesinen qabaatlanğan 8 qırımtatarnı tevqif etti.

Ukraina Tışqı işler nazirligi, Rusiye tarafından bu kibi areketler, Ukraina Birleşken Milleter Teşkilâtınıñ Halqara mahkemesinde Rusiyege qarşı davalar açmasına cevap, dep saya.

Amerika Birleşken Devletleri Rusiyeden yaqalanılğan qırımtatarlarnıñ azat etilmesini talap etti.

Menba UATV
tarih 12.06.2019
kategoriyalar UKRAİNA
paylaşmaq
UA|TV top haberleri