Ukraina halqara ava yolları uçağına belki eki raketa urdı, – NYT

uatv
15.01.2020
Foto AP

İranda qazağa oğrağan ukrain uçağına belki eki raketa urdı.

Bu aqta yanvarnıñ 14-nde The New York Times Amerika gazetası bildirdi. Olar közetüv kameradan video yayınladı, dep haber ete UATV.

Videodan körüne ki, birinci raketa uçurılğan soñ, 30 saniye soñra olsa kerek, uçaqqa daa bir raketa uruldı.

Berilgen malümatqa köre, raketalar o zaman ukrain uçağından 13 kilometrlik uzaqlıqta olğan İran arbiy öbektinden uçuruldı. Qayd etile ki, bir kereden uçaqnı iç bir mermi urup tüşürmedi. Ekinci raketa barıp urğanda, uçaq avada daa bir daqqa turdı, soñra yanıp tutaştı ve tuşüp başladı.

The New York Times bildirgenine köre, videonı YouTube servisine İran qullanıcısı yerleştirgen.

Ukraina halqara ava yolları uçaq şirketiniñ Boeing 737 uçağı yanvarnıñ 8-nde Tegeranda İamam Homeyn ava limanından uçqanından çoq keçmeden qazağa oğradı. Uçaqta 167 adam ve 9 ekipaj azası edi. 

Evel, Tegeran civarında tüşken “Ukraina halqara ava yollarınıñ” uçağı İran arbiyleri tarafından “istemeyip tüşürildi”, dep haber etilgen edi. Bu aqta İran akimiyetiniñ beyanatında aytıla, onı BBC ve Associated Press bildire.

Resmiy Tegeran malümatına köre, uçaq İslâm inqilâbı qaravul korpusınıñ müim obyektlerinden biri tarafına aylanğanda “duşman nişanı” olaraq köründi. Arbiyler, ABD ile kerginleşken munasebetler sebebinden “eñ yüksek seviyede azır edi”, bu “insan hatasına” yol açtı.

Джерело UATV
дата 15.01.2020
категорії CEMİYET
поділитися
Топ новин на UA|TV