Ukraina Haber siyaseti nazirliginde, ukrain turistlerini UATV televizion kanalına qoltutmağa davet ettiler

uatv
06.07.2019
Foto Ukrinform-UATV

Ukraina Haber siyaseti nazirligi, yurt tışına seyaat etken ukrain turistlerini, UATV televizion kanalını yayınlav ağına qoşmağa ricanen musafirhaneler idaresine muracaat etmege davet ettiler.

Böyle teklifnen, nazirniñ birinci muavini Emine Ceppar Hersondaki matbuat konferentsiyası vaqıtnda çıqışta bulundı, dep haber ete Herson Online.

“Memleket tışına seyaat etken ve musafirhanelerde qalğan er bir ukrainge, UATV televizion kanalını (misal olaraq) yayınlav ağına qoşmağa ricanen musafirhaneler idaresine muracaat etmege davet etem. Asılında bu ticariy şeyler – adamlar tarafından talap olğanını korgende, olar bu televizion kanalnı qoşacaqlar”, – dedi Emine Ceppar.

Bunıñ ile o, UATV televizion kanalı beş tilde üç satelitten yayınlağanını da qoştı. Televizion kanalı Avropa ve Asiya qıtalarını ve Latin Amerikanıñ bir qısmını qaplay. Faqat, UATV televizion kanalını yayınlatacaq musafirhaneler miqdarını arttırmağa tek turistler yardım ete bile. Buna ait talap yaratılmalı, çünki musafirhaneler idaresi öz teşebbüsinen onı öz yayınlav ağına qoşmaycaq.

Menba UATV
tarih 06.07.2019
kategoriyalar TELEKANAL HABERLERİ
paylaşmaq
UA|TV top haberleri