Ukraina – Dünyada eñ meraqlı startaplardan biridir, – Zelenskıy (VİDEO)

uatv
08.11.2019
Skrin video

Ukraina prezidenti Volodımır Zelenskıy Kyiv halqara iqtisat forumında iştirak etti.

Bu aqta UATV haber ete.

Foto Yuliya Krüçkova/UATV

Devlet başı, memleketimizniñ eñ büyük hazinesi – bu ukrainler özleri olğanını qayd etti.

“Yañı Ukraina akimiyeti, Ukrainanıñ halqara meydanlarındaki körümsiz statusını qabul etmek içün pek kibbardır. Fırsatlarımız alçaq olğanı aytılğanı, olar eksiltilip köstergenlerilgeni bütün bular yañı iqtisadiy ilerilev içün bizge küç bere. Ne istegenimizni, ne kerek olğanını ğayet eyi bilemiz. Bu, er kes içün bir qaideler, mahkeme sistamasınıñ temizlenüvi, qabarcılıqnıñ yoq etilüvi, tasil islâatı”, – dedi prezident.

Onıñ aytqanına köre, Ukraina – Dünyada eñ meftün etici ve eñ meraqlı startaplardan biridir.

“Adamlarğa, genç ukrainlerge , ukrain startaplarğa, küçük ve orta kirişimge yatırımlar yapıñız. Ukraina – hanelevni talap etken elmazdır. Men, prezident olaraq, devletimizniñ inkişafına yatırım yapqan er kapikni qorumağa söz berem”, – dedi Zelenskıy.

Öz çıqışını yekünlep prezident, bu tedbirde bulunmasını şeref dep sayğanını qayd etti ve foruma iştirakçilerine muvafaqiyetler tiledi.

Menba UATV
tarih 08.11.2019
kategoriyalar İQTİSADİYAT
paylaşmaq
UA|TV top haberleri