Ukraina Devlet sıñır hızmetinde, ukrainler ekseriy allarda qaysı memleketlerge barğanları aqqında tarif ettiler

Keçken senege baqqanda, seyaat etken ukrainlerniñ sayısı 6 faizge arttı

uatv
26.12.2018

Foto UDSH

Statistika, 2018 senesi keçken sene olğanı kibi ukrainlerniñ seyaatları arasında birinci sıralarda şöyle memleketler olğanını köstere: Poloniya, Macaristan, Moldova, Romaniya, Belorusiye, Slovakiya, Mısır, Türkiye. Bu aqta Ukraina Devlet sıñır hızmeti haber ete.

Aşağıdaki memleketlerge yapılğan seyaatlarğa talap ve artma bar olğanı qayd etile: Almaniya (165 biñ), İtaliya (125 biñ), İspaniya (50 biñ), Yunanistan ve Daniya (30 biñ), Avtriya ve Qıbrız (25-şer biñ), Letoniya (20 biñ qoşma), Bulğaristan ve Çehiya (15-şer biñ), Estoniya ve İsviçre (10-nar biñ). Amerika Birleşken Devletleri ve İsrailge yapılğan seyaatlarnıñ miqdarı keçken sene olğanı kibi qaldı.

Ayrıca, Devlet sıñır hızmetiniñ reisi Petro Tsıgalık, kirip-çıquv esnasları miqdarınıñ turğun bir artuvı aqqında bildirdi (orta esapnen 4 faizge). Aynı zamanda, 71 faiz – Ukraina fatandaşları (66,4 million adam), çetel adamlar – 29 faiz.

“Keçken senege baqqanda, seyaat yapqan ukrainlerniñ sayısı 6 faizge arttı. Şu cümleden, Slovakiya (22%) ve Romaniya (17%) ile sıñırdan yapılğan Ukraina vatandaşlarınıñ sâatlar artuvı qayd etile, bunıñ ile ava naqliyatı da”, – yazıla bildirüvde.

Menba UATV
tarih 26.12.2018
kategoriyalar TURİZM
paylaşmaq
UA|TV top haberleri