Ukraina devlet başı İsveçiya baş naziri ve Afğanitsan prezidentine taziyeler bildirdi

uatv
09.01.2020
Foto PO

Yanvarnıñ 9-nda, Volodımır Zelenskıy İsveçiya baş naziri Stefan Leven ve Afğanitsan prezidenti Mohammad Aşraf Gaini ile telefonnen laf etti. O, ukrain uçağı qazası neticesinde olarnıñ vatandaşları elâk olğandan sebep taziye bildirdi.

Bu aqta Prezident ofisi saytında haber etile.

“Uçaq qazası sebeplerini ögrenmek içün çalışamız ve bunı becermek içün İsveçiyanen işbirlik etmege azırmız.Bizim maqsadımız – aqiqatnı bilmek. Bu eñ esası”, – dedi Zelenskıy.

Ukraina devlet başı olarnı tahqiqatqa qoşulmağa davet etti.

Afğanistan prezidenti ile qonuşuv vaqtında Zelenskıy qaza tahqiqatınıñ neticeleri aqqında bütün malümatnı bermege söz berdi.

Ukraina halqara ava yolları uçağında 11 Ukraina, 63 Kanada, 82 İran, 10 İsveçiya, 7 Afğanistan, 3 Büyük Britaniya vatandaşları edi.

Ukraina halqara ava yolları uçaq şirketiniñ Boeing 737 uçağı yanvarnıñ 8-nde Tegeranda İamam Homeyn ava limanından uçqanından çoq keçmeden qazağa oğradı. Uçaqta 167 adam ve 9 ekipaj azası edi.

Keçenlerde İranda yüz bergen uçaq qazası munasebeti ile yanvarnıñ 9 Ukrainada matem künü olaraq ilân etildi.

Джерело UATV
дата 09.01.2020
категорії SİYASET
поділитися
Топ новин на UA|TV