Ukraina Demiryol naqliyat idaresi “Borıspil”ge yürgen trenlerniñ sayısını çoqlaştırmağa niyetlene

uatv
16.10.2019

Ukraina Demiryol naqliyat idaresi “Borıspil”ge yürgen trenlerniñ sayısını çoqlaştırmağa niyetlene.

Ukrzaliznıtsâ bu yılnıñ sonuna qadar “Borıspil” avalimanına yürgen yañı trenni qoşmağa istey. Bu Ukrainada yaratılğan ekspress olacaq.
Bu aqta Ukraina demiryol naqliyat idareniñ reisi Yevgeniy Kravtsov ilân etti.

Boyle qarar reysler ve yolcularnıñ sayısını arttırır. Şimdi ekspress er kün 3000 yolcudan ziyade Borıspilge alıp bara.

Bundan da ğayrı Kravtsov “Vıdubıçi” stantsiyasında yañı duraq açılacağını qayd etti. Onıñ sözlerine köre, duraqnı bu yılnıñ sonuna qadar çalıştırırlar.

Menba UATV
tarih 16.10.2019
kategoriyalar TURİZM
paylaşmaq
UA|TV top haberleri