Ukraina, Cenübiy Оsetiyada “parlament saylavlarınıñ” neticelerini tanıymay, – Ukraina TİN

uatv
10.06.2019
Foto Ukrinform-UATV

İyunniñ 9-nda, Rusiye işğal etken Gürcistannıñ Tshinval bölgesinde (öz-özüni ilân etken Cenübiy Оsetiya) “parlament saylavları” olıp keçti. Ukraina olarnıñ neticelerini tanımay.

Buna ait qarar Ukraina Tışqı işler nazirliginiñ saytına yerleştirilgen.

“Nazirlik, Rusiye Federatsiyası işğal etken topraqlarda “parlament saylavlarınıñ” neticelerini tanımay ve ötkerilüvini de qattı tarzda takbih ete”, – yazıla vesiqada.

Devletimiz bu adımnı Rusiyeniñ Gürcistannıñ işğal etilgen bölgesinde vaziyetni qanuniyleştirmesine nevbetiy ıntıluvı olaraq saya, şu cümleden
“qavmiy temizlevler” ve insan aqlarınıñ sistematik qaba bozuvları neticesinde.

“Ukraina Gürcistannıñ suvereniteti ve topraq bütünligine öz izçen destegini tasdıqlay ve bunıñ ile gürciler ve ösetlerniñ uzlaşuvı içün ükümetniñ barışıq adımlarını alğışlay”, – dep qayd ettiler idarede.

Menba UATV
tarih 10.06.2019
kategoriyalar SİYASET
paylaşmaq
UA|TV top haberleri