Ukraina barışıqseverlik cedvelinde yuqarı köterildi

uatv
12.06.2019
Foto Ukrinform-UATV

İqtisat ve barışıq institutı yayınlatqan yañı Global Peace Index cedvelinde Ukraina eki basamaqqa köterildi ve 150-nci yerni aldı.

Bu aqta DW haber ete.

Barışıqseverlik cedveliniñ birinci sırasında – İslandiya, soñki – Afğanistan.

IEP mütehassıslarınıñ malümatın köre, soñki yıl içinde Ukraina, Suriye ve İraqta vaziyet turğunlaştı. Nikaragua, Türkiye ve Yemende ise barışıqseverlik köstergiçleri fenalaştı.

Belli olğanı kibi, tetqiqatçılar er yıl dünyanıñ 160-tan ziyade memleketinde vaziyetke qıymet keseler. Köz ögüne alınğan faktorlar arasında – içki ya da tışqı çatışmalar mevcutlığı, cenk ve terrorcılıq alâmetleriniñ körünmesi, özek silâsınıñ bar oluvı, öldürüvler miqdarı, mabüslerniñ sayısı, mudafaa içün masraflar ve ilâhre.

Evel, Ukraina The Global Competitiveness Index cedvelinde 5 basamaqqa köterilgeni aqqında haber etildi.

Menba DW
tarih 12.06.2019
kategoriyalar UKRAİNA
paylaşmaq
UA|TV top haberleri