Ukraina Avropa Birliginden evel NATO azası olacaq, – Küleba

uatv
12.11.2019
Skrin UATV

Beş yıldan soñ Ukraina NATO-ğa qoşuluv protsedurasını başlap olur. Bu, Ukraina mudafaa ve telükesizlik idareleri islâ etilgen ve İttifaq küçlerine bütünleştirilgen soñ olacaq.

Bu aqta Avropağa bütünleşüv meseleleri Ukraina vitse-baş naziri Dmıtro Küleba bildirdi.

Onıñ aytqanına köre, NATO ile yañı işbirlik formatı, Ukrainağa İtifaqnıñ yardımını doğrultmaq kerek olğan saalarnı belgilemege yardım etecek.

“Bu, yardımnıñ semereliligini ve qullanuvını arttırğan yañı yañaşma. Şu dujmleden, Mahsus operatsiyalar quvetleri, arbiy-deñiz flotu ve logistikağa diqqatımıznı ayırmağa isteymiz”, – dedi vitse-baş nazir.

O, endiden başlap İttifaq yañı programmağa köre çalışacağını da qoştı – “bir ortaq – programma”. Şunıñ içün ukrain ükümeti endi 5 yıldan soñ NATO-ğa qoşuluv hususında aytışmalar esnasını başlaycaq ola.

“Ukraina İttifaq azası olacağı aqqında siyasiy qarar daa 2008 senesi qabul etildi. Amma nevbetteki basamaq – qoşuluv protsedurasınıñ başlanuvı. Biz 5 yıl içinde İttifaqnen beraberlikte ev vazifemizni yapmağa isteymiz, çünki bütünleşüv – eki taraflama esnas. Ve beş yıldan soñ bir stol başına oturıp, biz azırmız, endi siziñ nevbetiñiz, aytmağa isteymiz. Ukraina Avropa Birliginden evel NATO azası olacaq dep tüşünem”, – dep aytıp berdi Küleba.

Menba UATV
tarih 12.11.2019
kategoriyalar UKRAİNA-NATO
paylaşmaq
UA|TV top haberleri