Ukraina-Avropa Birligi sammiti: taraflar 5 maliyeviy añlaşma tizdi (VİDEO)

uatv
09.07.2019
Foto PM

İyülniñ 8-nde, 21-nci Ukraina-Avropa Birligi sammitiçerçivesinde traflar 5 maliyeviy añlaşma tizdi: grajdan cemiyeti, merkeziyleştirüv, qabarcılıqqa qarşı tedbirler ve islâatlar destegi.

Bu aqta UATV haber ete.

Qabarcılıqnen küreş içün Avropalı ortaqlar 22,9 million yevro ayırdı. Avropa Birliginiñ yardımı, milliy ve yerli seviyelerde qabarcılıqnen küreşüvniñ arttırılmasına berile. Grajdan cemiyetiniñ destegine 10 million yevro sarf etilecek.

Bunıñ ile Avropalı ortaqlar 44 million yevro islâyatlar ve Ukraina ile birleşme aqqında añlaşmanıñ kerçekleştirilüvine berilecek.

Ukraina qısmı olğan Donbass bölgesiniñ destegine qoşma olaraq 10 million yevro ayırılacaq. Yardım, memleket içinde köçürilgen şahıslar içün memuriy ve içtimaiy hızmetlerge daa eyi irişim temin etüvine berile. Böylece, kelişme çerçivesinde Avropa Birligi maliyeviy yardımınıñ miqdarı 60 million yevro olacaq.

Budan ğayrı, Ukraina ve Aropa Birligi “Avropanen U-LEAD” programmanıñ II safhasına para berüv aqqında añlaşma imzaladı.

Ukrainağa sammitte iştirak etmek içün Avropa şurası prezidenti Donald Tusk, Avropa komissiyası prezidenti Jean-Claude Juncker ve Avropa Birliginiñ diger temsilcileri keldi.

Menba UATV
tarih 09.07.2019
kategoriyalar İQTİSADİYAT
paylaşmaq
UA|TV top haberleri