Ukraina-AB mini-sammiti: iştirakçiler Azaq deñizi boyu bölgege yardım etmekni tezleştirmege qarar aldılar

uatv
21.03.2019
Foto PM

Martnıñ 20-nde aqşam Brükselde resmiy olmağan Ukraina-Avropa Birligi mini-sammiti olıp keçti.

Bu aqta Perezident Petro Poroşenkonıñ saytında yazıla.

Sammit iştirakçileri arasında – Avropa Şurası prezidenti Donald Tusk, Avropa komissiyası prezidenti Jean-Claude Juncker, Avropa parlamenti prezidenti Antonio Tajani ve Ukraina Prezidenti Petro Poroşenko. Esas Avropa idareleriniñ reberleri beraberlikte Ukraina meselesini muzakere ettiler.

Taraflar, Ukraina qısmı olğan Azaq deñizi boyu bölgege içtimaiy-iqtisadiy yardım aqqında Avropa Birligi programmasınıñ areketke ketirilüvini tezleştirmemege añlaştılar.

Ortaqlarımız, Ukrainağa qoltutuv meselesinde daa bir kere sarsılmaz metanetini tasdıqladılar.

Petro Poroşenko Avropa Birliigine yañı “Azaq sanktsiyaları” içün minnetdarlıq bildirdi. O, ukraina arbiy esir deñizcilerini ve kreml siyasiy mabüslerini azat etmek maqsadınen Avropa Birligine Rusiyege dair sanktsiyalarnı arttırmağa rica etti.

Bunıñ ile, Avropa birligi yolbaşçılarına, bütün Avropa energetik telükensiziligi içün havflı olğan “Şimaliy aqım-2” gaz hattısınıñ quruluvına yol berememege rica etti.

Menba UATV
tarih 21.03.2019
kategoriyalar UKRAİNA VE AB
paylaşmaq
UA|TV top haberleri