Ukrain teatr ve muzıka gruppası GlobalFest festivaliniñ sanasına ilk sefer çıqtı (FOTO)

"New York Times" olarnıñ çıqışını  “eñ acayip temaşa” olaraq adlandırdı

uatv
09.01.2019

Foto ny.mfa.gov.ua saytından

Yanvarnıñ 6 ve 7 “Dakh Daughters” belli ukrain teatr ve muzıka gruppası Amerika Birleşken Devletlerinde birinci kere sanağa çıqtı.

Bu aqta New Yorktaki Ukraina Baş konsullığınıñ matbuat hızmeti haber ete.

Turne çerçivesinde ukrainler endi Washington ve New Yorkta çıqış yaptılar. Seyirciler olarnı pek eyi qarşıladılar. “New York Times”, “Dakh Daughters” GlobalFest halqara New York festivalinde etken çıqışını “eñ acayip temaşa” olaraq adlandırdı. Ve, Ukrainadan taqım muzıka ve teatr janrlarnı istidatnen birleştirip olğanını da qayd etti.

Bunıñ ile, sanatkârlar yırlarından birisini, Ukrainadki Rusiye tecavuzına qarşı turuvda birleşüv mevzusına bağışladılar.

Gruppanıñ debüt turnesı Ukrаina TİN, ABD-deki Ukraina elçiligi ve New Yorktaki Ukraina Baş konsullığı yardımı ile keçirile.

Menba UATV
tarih 09.01.2019
kategoriyalar MEDENİYET
paylaşmaq
UA|TV top haberleri