“Ukrain siyasiy mabüslerini azat etmege borclumız”, – Sentsov

uatv
27.01.2020
Foto AP

Ukrain rejissörı, sabıq Kreml mabüsi Oleg Sentsov, Rusiyeniñ apishanelerinde ve Donbassta qanunsız tutulğan ukrain siyasits mabüsleriniñ azat etilüv meselesi ukrainler içün pek müim olğanını qayd etti.

Bu aqta o New Yorkta ukrain cemiyetinen körüşüv vaqtında ayttı, dep yaza “Amerika sesi”.

“Bu işni devam etmege borclumız, çünki bu bizim adamlarımız ve olar Rusiyeniñ apishanelerinde, Donbassta separatistlerniñ zindanlarında tutula. Ve olar daa pek çoq”, – dedi Sentsov.

Rejissör Rusiye prezidenti Vladimir Putinnen deñişüv aqqında añlaşmağa ıntıluvlarnı tefsir etti.

“Aramızdaki farqnı köre ve üzerinde oynay. Niyetleriniñ sırasına kirsetmege tırışa. Putin bizni yeñmegence teslim olmaz. Amma biz de tesli olmaycaqmız”, – dedi rejissör.

Oleg Sentsov, beş yıl devamında onıñ azat etilmesine qoşulıp bunıñ oğrunda küreşken teşkilâtlarnıñ temsilcilerine ve göñüllilerge minnetdarlıq bildirdi.

Джерело Amerika Sesi
дата 27.01.2020
категорії KREML MABÜSLERİ
поділитися
Топ новин на UA|TV