Ukrain mebusı Avropa Şurası Parlament Assambleyasınıñ vitse-prezidenti oldı

uatv
28.01.2020
Foto Facebook Yevheniya Kravchuk

Tışqı siyaset ve parlametlerara işbirlik meseleleri Ukraina Yuqarı Radası komitetiniñ başı olğan Aleksandra Merejko (“Sluga narodu” fraktsiyasınıñ mebusı) Avropa Şurası Parlament Assambleyasınıñ vitse-prezidenti oldı.

Bu aqta Facebookta “Sluga narodu” fraktsiyası reisiniñ muavini, Avropa Şurası Parlament Assambleyasında Ukraina daimi temsilciligi azasınıñ muavini Yevgeniya Kravçuk haber etti.

O, er sene nevbetteki sessiyanıñ başında Avropa Şurası Parlament Assambleyasınıñ azat devletlerinden yigirmi vitse-prezident saylanılğanını qayd etti.

“Vitse-prezident vazifesi ğayet mesül, çünki o yeyerk olğan taqdirde prezident vazifesini icra etip ola, Assambleyanıñ oturışlarında ya da munaqaşalarda reislik yapıp ola. Bundan ğayrı vitse-prezident oturışlarnıñ kün tertibini azırlağan ve qaysı bir sualler müim ve kerek olğanını belgilegen Büro terkibine avtomatik tarzda kire”, – dep qoştı Yevgeniya Kravçuk.

Hatırlatamız: Avropa Şurası Parlament Assambleyası yañı prezidenti sayladı. Prezident vazifesine Belçika senatorı Hendrik Dams tayin etildi. O isveçreli Lilian Mori-Paskye yerine keldi.

Джерело UATV
дата 28.01.2020
категорії SİYASET
поділитися
Топ новин на UA|TV