Ukrain deñizcileri davası mevzusında Rusiye tahqiqatçısı işğal etilgen Keriçke ketti, – Polozov

uatv
18.11.2019
Foto Qırım. Aqiqat

Ukrain deñizcileri davası mevzusında Rusiye tahqiqatçısı şimdi işğal etilgen Keriçte buluna. Anda, Rusiye Federal telükesizlik hızmeti tarafından zapt etilgen ukrain arbiy katerleri alâ daa qalmaqta.

Bu aqta advokat Nikolay Polozov bildirdi, dep haber ete Qırım. Aqiqat.

“Ukrain gemileriniñ qaytarılması aqqında sual daa bir qaç afta evelsi köterildi ve bunıñ aqqında biz tahqiqatçınen laf ettik. O, Keriçke baracağı ve anda bu gemilerniñ berilüvinen bağlı nasıldır amellerde iştirak etecegi aqqında aytqan edi. Al-azırda tahqiqatçı anda ketti, ve bu belki de gemilerniñ qaytarılması olacağını köstere”, – dedi Polozov.

Evel Polozov, deñizciler ve gemiler Ukrainağa keri qaytqan soñ bu meseleni aqıllıca çezüvi ukrain deñizcilerine qarşı açılğan cinayet davasınıñ qapatılması olacaq dep bildirdi.

Oquñız: Zapt etilgen ukrain gemileri beklev yerine kelip çıqtı.

Menba Qırım. Aqiqat
tarih 18.11.2019
kategoriyalar UKRAİNA
paylaşmaq
UA|TV top haberleri