Ukrain arbiyleri Donbassta duşmannıñ ücümini urıp qaytardı, bir asker elâk oldı

uatv
18.02.2020
Foto rubryka.com

Donbassta Novotoşkovske, Örihiv, Krımske ve Hutor Vilnıy meskün yerleri yanındaki uruş bitti.

Bu aqta Birleşken Quvetler Operatsiyası ştabınıñ matbuat hızmeti bildirdi.

“Birleşken quvetlerniñ bölükleri duşmanğa uyğun ateş cevabını berdi ve vaziyetni tam nezaret astında qaldırıp oldı. Yazıq ki, amma ukrain imayecileri arasında biri elâk oldı, daa dördü yengil yaralandı, olarğa tibbiy yarım kösterile. Duşmannıñ bir askeri elâk oldı ve beşi ağır yaralandı. Boyevikler tınçlıq redimini istedi. Ukraina askerleri öz noqtalarını ğayıp etmedi”, – yazıla malümatta.

Al-azırda vaziyet tamamınen nezaret astındadır. Amma Birleşken quvetlerniñ yedek erâkınından bölükleri bütünley azırlar.

“Ukrainanı tecavuzcıdan qorçalamağa devam etemiz”, -dediler ştabda.

Hatırlatamız: Bugün saba, fevralnıñ 18-nde, Rusiyeniñ işğal orduları Novotoşkovske, Örihiv, Krımske ve Hutor Vilnıy meskün yerleri yanında Birleşke Quvetlerniñ bölüklerine ücüm etti.

Джерело UATV
дата 18.02.2020
категорії Donbass
поділитися
Топ новин на UA|TV