Ukrain Аnatoliy Demyanenko Slovakiyadan futbol klubınıñ baş idmancısı oldı

uatv
07.01.2020
Foto Ukraina futbol birleşmesi

Ukrainadan futbol idmancısı Anatoliy Demyanenko “Nitra” Slovakiya taqımınıñ ustazı olaraq tayin etildi.

Bu aqta klubnıñ Facebook saifesinde translâtsiya etilgen matbuat konferentsiyası vaqtında belli oldı.

Muqaveleniñ tafsilâtları haber etilmey.

Kütleviy haber vastalarnıñ malümatına köre, Demyanenkonıñ idmancılar ştabına Miroslav Nemets ve Miroslav Kening kirdi.

Malüm olğanı kibi, ukrainniñ soñki çalışqan yeri “Volın” oldı. Bunen beraber Demyanenko Kyiv “Dinamosını” ve Azerbaycan ve Üzbekistan taqımlarını idman ettirdi.

Hatırlatamız: macar mühlisleri, “Dinamo” Kyiv taqımınıñ sabıq oyuncı ve idmancısı Sergey Rebrovnı “Ferentsvaroş” taqımınıñ soñki 10 yıl içinde eñ eyi ustazı dep adlandırdı.

Джерело UATV
дата 07.01.2020
категорії Sport
поділитися
Топ новин на UA|TV