Uçaq qazasında vatandaşları elâk olğan memleketlerniñ Tışqı işler nazirleri Londrada körüşecek

uatv
13.01.2020
Foto PO

“Ukraina halqara ava yolları” uçağı qazasında vatandaşları elâk olğan memleketlerniñ Tışqı işler nazirleri bu afta Londrada körüşecek.

Bu aqta Ukraina Tışqı işler naziri Vadım Prıstayko bildirdi, dep haber ete Avropa aqiqatı.

“Eki künden soñ olarnen Londrada körüşecem, beş memleketniñ tışqı işler nazirleri toplaşacaq. Memleketlerimiz ayrı ya da beraber nasıl etip areket etekcekleri, qabaatlı olğanlarnı mesülietke çekmek iyun neler yapılğanı ve zarar körgen ailelerge nasıl etip yardım ete bilecegimizni muzakere etip añlaşacaqmız”, – qayd etti Prıstayko.

Aynı zamanda Vadım Prıstayko qaysı bir memleketlerniñ tışqı işler nazirleri iştirak etecegini bildirimedi. Tahmin etilgenine köre, bu Büyük Britaniya, İsveçiya, Kanada ve Almaniya Tışqı işler nazirleri ola bile.

Ukraina halqara ava yolları qazası neticesinde İran ve Afğanistan vatandaşları da elâk oldı.

Джерело Avropa aqiqatı
дата 13.01.2020
категорії SİYASET
поділитися
Топ новин на UA|TV