Üç yıl evelsi jurnalist Pavel Şeremet öldürildi: Kyivde hatıra tedbirler ötkerile

uatv
20.07.2019
Foto Twitter Kyrylo Loukerenko

Bugün, iyülniñ 20-nde, jurnalist Pavel Şeremet öldürilgeniniñ 3-nci yıldönüminde, Kyivde “Pavelni kim öldürdi? Üç yıl cevapsız” adlı hatıra aktsiya keçirile.

Bu aqta Gromadske haber ete.

Aktsiya saba saat 8:00 başlandı. Aktsiyada, Ukrainada Amerika Birleşken Devletleri meseleleri muvaqqat vekâletlisi Uilyam Teylor, Ukraina halq mebusları ve elâk olğan jurnalistniñ sabıq zenaatdaşları, Ukraina Maliye naziri Oksana Markarova, jurnalist Ayder Mujdabayev, halq mebusları Mustafa Nayem ve Sergey Leşçenko, jurnalist İrina Romaliyskaya ve digerleri iştirak etti.

İştirakçiler Şeremet elâk olğan yerde toplaştı, İvan Franko ve Bogdan Hmelnıtskıy soqaqlarınıñ çaprazında toplaştı.

Ukrainadaki ABD Elçiliginde jurnalistniñ öldirüvini tahqiq etmege davet ettiler ve ukrain demokratisâsı içün mustaqil kütleviy haber vastalarınıñ bar olması pek müim olğanını qayd ettiler.

“Pavel Şeremet öldürilgeniniñ 3-nci yıldönüminde, başlıqlarnı, memurlarnı matbuat serbestligi tarafdarlığını köstermege ve öldürüvinen qabaatlılarnı mesülietke çekmege davat etemiz. Mustaqil kütleviy haber vastaları Ukraina demokratiyası içün pek müimdir”, – Elçilikniñ Twitter saifesinde yazıla.

Jurnalist Pavel Şeremet 2016 senesi iyülniñ 20-nde saba saat 7:45, Kiyevniñ merkezinde, Bogdan Hmelnitskiy ve İvan Franko soqaqlarını çatışmasında, maşna patlavı neticesinde elâk oldı. Maşnası qolnen yasalğan patlayıcı maddenen patlatıldı. Qanun qoruyıcılar yüz bergen vaqianıñ bir qaç versiyasını közde tuta: “zenaat faaliyeti” ya da “Rusiye izi”. Bugünge qadar ne teşkilâtçılar, ne patlavnıñ icracıları belli degil.

Menba Gromadske
tarih 20.07.2019
kategoriyalar CEMİYET
paylaşmaq
UA|TV top haberleri