UATV Türkiyede yayınlavını kenişlete

uatv
01.05.2019
UATV

Ukraina tış yayınlavı telekanalı endiden “Türksat” ağınıñ seyircileri içün irişimli

Türksat (Türksat Uydu Haberleşme Kablo TV ve İşletme A.Ş.) – regionda şahsiy ve başqa yoldaşlar vastasınen bağ hızmetlerini köstergen eñ büyük şirketlerden biri.

Şirket yoldaş bağ vastasınen Avropa ve Asiya memleketlerinde telefoniya, malümat yiberilmesi, televizion ve radioyayınlav saalarında çalışa.

“Türksat” infrastrukturası olmağan regionlarda da çalışabile. Yoldaş bağ saasında imkânlarnen ve olğan kabel infrastruktura yardımınen “Türksat” Türkiyeniñ kabel ve internet televizionlarını, em de öz abonentlerini farqlı tillerde çıqarılğan ve çeşit medeniyetlerni köstergen köntentnen teminley. Bundan ğayrı, informatsion hızmetler çerçivesinde Türksat elektron ükümet portalına hızmetler kösterip, elektron devlet hızmetleri saasında proyektlerni ömürge keçire.

Cenk Şen, “Türksat”nıñ baş müdiri:

“Türsat”nıñ maqsadı – yoldaş ve kabel platformalarımıznıñ seyircilerine irişimli şekilde malümat bermek. Onıñ içün Ukrainanıñ UATV devlet telekanalınıñ paketimizge kirsetilmesi pek müimdir. UATV-niñ ciddiy halqara printsiplerine baqmadan, eminim, beş tilde yayınlanğan haberler ve çeşit medeniy programmalar em mında bulunğan ukrainler, em de Türkiye vatandaşları içün meraqlı olur. “Türksat”qa hoş keldiñiz! Eminim, UATV-niñ “Türksat”ta yayınlanması kelecekte memleketlerimiz arasında işbirlikni de inkişaf ettirir”.

Andriy Sıbiga, Türkiyede Ukraina Elçisi:

“Ukraina-Türkiye arasında strategik ortaqlıq inkişafınen Türkiye cemiyetiniñ Ukrainağa, onıñ medeniyeti ve adetlerine merağı artqanını qayd etmege isteyim. Bu, elbette, quvandıra. Türkiye vatandaşlarına memleketimiz aqqında bilgi ve kerçek haberlerniñ berilmesi – esas vazifelerimizden biridir, hususan Donbastta Rusiye tecavuzı ve Qırımnıñ işğal altında bulunması şaraitinde. Başqa taraftan, Türkiyeni ziyaret etken ya da mında yaşağan ukrainlerniñ Ukrainada ne olğanı aqqında malümat bergen menbaaları olacaq. UATV telekanalı “Türksat” kabel ağlarında peyda olması informatsion saada pek büyük irişme oldı. Bu, Elçilik, UATV telekanalı ve “Türksat” şirketiniñ işbirligi sayesinde oldı. Fırsatnen faydalanıp, Türkiyedeki dostlarımızğa bu imkân içün teşekkür bildirmek isteyim. Olarnıñ yardımı ile ukrain telekanalı Türkiyeniñ kabel ağlarına kirebildi. Ümüt etem, informatsion saada daa bir çoq müim leyhalarnı ömürge keçirirmiz.”

Menba UATV
tarih 01.05.2019
kategoriyalar TELEKANAL HABERLERİ
paylaşmaq
UA|TV top haberleri