UATV televizion kanalı mekleket tışında ilk öz mühbir noqtasını açtı

Çekiş gruppası artıq Varşavada çalışa

uatv
04.01.2019

Foto monk.com.ua saytından

UATV televizion kanalı Varşavada öz mühbir noqtasını açtı. Tecribeli çekiş gruppası artıq televizion kanal seyircilerine Poloniyadaki ukrainlerniñ ayatı ve eñ meraqlı vaqialar aqqında malümat bere.

“Ukrinform” malümat agentligi ile birlikte Varşavada meydanğa ketirilgen yañı mühbir noqtasınıñ işi UATV televizion kanalına tez tarzda qomşu memleketniñ haberlerini bütün Poloniyağa tarqatmağa yardım etecek.

“Biz isün bu yañı tecribe, aytışuvlar bir yıl devam etti, – halqara malümat bölüginiñ reberi Varvara Mirankova tarif ete. – Poloniyadan başlamağa qarar aldıq – bu bizim yaqın qomşumız, adetlerimiz oşay, ve bu memleketteki ukrainler diasporası – dünyada eñ balabanlardan birisidir. Em de o yerde ukrain mühbirlerini tapmağa yengil edi. Poloniyada UATV-ni Yuriy Banaheviç temsil ete – o “Ukrinform” mühbiri, endi çoq yıl devamında Varşavada yaşay, ve operator İgor Antonük, o tahminen 6 yıl devamında eñ büyük ukrain telekanallarınıñ mühbir noqtalarında çalıştı, bu Londra, Vaşington, Berlin ve Varşava”.

Varvara Mirankovanıñ sözlerine köre, UATV televizion kanalınıñ mekleket tışındaki mühbir noqtası, UATV tış yayınlav televizion kanalı çalışqan jurnalist standartlarına köre çalışa, maqsadı da aynı – Ukraina aqqında tarif etmek.

“Biz alğan yönelişimizge uymağa tırışamız – dünyağa Ukraina aqqında bildiremiz, Poloniyadaki diasporamıznıñ yaşayışı, Ukraina ile bağlı vaqialar ve tedbirlerni aydınlatamız, – añlata Varvara. Bizim mühbir noqtamızda çalışqan taqmımıznıñ yardımınen, keniş halq kütlesine belli olmağan meraqlı ikâyeler tapa bilemiz, çünki olar endi Polniyada çoqtan yaşaylar”.

Meydanğa ketirilgen mühbir noqtasınıñ yardımınen, UATV vaqia yerinden eñ tez, ve eñ esası, eksklüziv malümat elde ete bile.

“Halqara seyircilerge, ukrainler aqqında ziyadece haber almaq meraqlıdır. Şimdiki vaqıtta çetelde yaşağan ve çalışqan ukrainler öz memleketiniñ taqdiri içün qayğırğanları aqqında da ayta bilemiz. Ordunı destekleyler, islâatlarnen ve içtimaiy leyhalarnen oğraşalar. Misal olaraq, Varşavdaki göñülliler teşkil etken “Babasız bayramlar” (“Prazdniki bez papı”) aktsiya aqqında biz bir levha azırlap köstergen edik. Olar elâk olğan ve yaralanğan ukrain askerleriniñ ve siyasiy mabüslerniñ balları içün bahşışlar toplağan ediler. Bu ediyeler Kyivge ketirilgende – olarni bizimi yerli çekiş taqımımız qarşılaycaq. Bu öyle bir “kopürçıq”, devam etken ikâye. Onıñ üzerinde UATV-niñ em ukrain, em çetel mühbirleri birlikte çalışa. Bunı yapıp olğanımız pek yahşıdır”, – dep qayd etti Mirankova.

UATV, dünyada kendi mühbir noqtalarınıñ ağını kenişletmek içün çalışmağa devam ete, onıñ içün yaqın vaqıtta başqa bir Avropa paytahtından da eñ taze haberlerni elde etecek.

Menba UATV
tarih 04.01.2019
kategoriyalar TELEKANAL HABERLERİ
paylaşmaq
UA|TV top haberleri