UATV telekanalı BRNA Baş Assambleyasında iştirak etti

“Kanalımıznıñ misalinde, diger medialarnıñ reberlerine, öz memleket aqqında meraqlı şekilde aytmaq mümkün olğanını kösterdik”, - Tatyana Ovdiyenko

uatv
25.10.2018

UATV – Ukrainanıñ tış yayınlav telekanalı, Çuntsin (Qıtay) şeerinde keçirilgen 8-nci Global Video-Media Forumında (VMF) ve BRNA 2-nci Baş Assambleyasında iştirak etti. UATV-ni telekanalnıñ baş muarriri Tatyana Ovdiyenko ve ingliz tilinde çalışqan muarriretiniñ reberi Yelena Homenko temsil eiiler.

UATV ve BRNA arasında sıq işbirlik 2018 senesi başlandı. O vaqıttın berli UATV telekanalı BRNAlink platformasına Ukraina aqqında 400 video malümat yükledi. BRNA malümatına köre, epsi olıpsentâbrniñ soñunda, Bağlaşımnıñ (Alyans) 72 televizion şirket-azalarından saytqa 2200 video malümat yüklenildi.

UATV-niñ malümatları er kün saytnıñ baş saifesinde – esas galereyada yerleştirile, bunıñ ile Culture ve Society rubrikalarında da. Ekseriyette, tamam Ukraina aqqında levhalar ile Europe ayrı cografik rubrikası tolu ola.

BRNAlink qullanıcıları eñ çoq UATV telekanalınıñ festivaller, sergiler, iqtisasiy ve aveskârlıq sanaatı, ukrain icatkârlarınıñ işlenmeleri, ukrain yemekleri, ukrain disporası aqqındaki levhalarnen meraqlanalar. Çernoblnıñ atom elektrostantsiyasındaki qaza, onıñ aqibetleriniñ yoq etilüvi ve istimlâq mıntaqasınıñ ğayrıdan tiklenilüvi ile bağlı video malümatlar pek populârdır.Eñ çoq seyir etilgen levhalar arasında: Ukraina Mustaqillik kününde arbiy parad, Invictus Games halqara yarışlarğa ukrain sportçularnıñ azırlanuvı.

“UAT telekanalı BRNA-nıñ bu Baş Assambleyasında adiy iştirakçi olmadı. , Telekanalımız daa diger iştirakçilernen BRNA ile muvafaqiyetli işbirlikte olğan tecribesinen paylaşmaq içün davet etildi. Kanalımıznıñ misalinde, diger medialarnıñ reberlerine, öz memleket aqqında meraqlı şekilde aytmaq mümkün olğanını kösterdik, ve bu olarnı ilhamlandırğanı körgenimiz biz içün pek quvançlı”, – qayd etti telekanalnıñ baş muarriri Tatyana Ovdiyenko.

Bir yıl evel, UATV BRNA Bağlaşımınıñ tesisçilerinden birisi oldı. BRNA – bir birine video malümatberüv maqsadı olğan halqara teşkilât. BRNA Bağlaşımı ile işbirlik Ukraina aqqandaki malümatnıñ diger memleketlerde tarqatılmasına fırsat yarata. Bugünde BRNA terkibinde – 42 memlket ve bölgelerden 72 telekizion şirket.

Vadim LUBÇAK, UATV. Foto CCTV + and BRNA

Menba UATV
tarih 25.10.2018
kategoriyalar TELEKANAL HABERLERİ
paylaşmaq
UA|TV top haberleri