Türkiyedeki Ukraina elçisi “Qırım forumına” provokatsiya dep ayttı

uatv
01.10.2019
Foto Türkiyede Ukraina Elçiligi

Türkiyedeki Ukraina elçisi Andrey Sibiga, İstanbulda oktâbrniñ 1-ne planlaştırılğan “Türkiye-Qırım iqtisadiy forumnı” provokatsiya, dep adlandırdı.

Bu aqta elçi öz Twitter saifesinde yazdı.

Diplomat forumğa, “rus işğalciniñ yerli marginallarnen beraberlikte Türkiyede “Qırım” tedbirleriniñ keçirilmesine nevbetiy nafile ıntıluvı”, dep ayttı.

“Türkiyedeki iş adamlarnı açıqköz olmağa ve iştirak etmemege davet etemiz”, – yazıla bildirüvde.

https://twitter.com/andrii_sybiha/status/1178663764717133826?s=21&fbclid=IwAR2wYjLPE4yn5lieJhzOd5rARzInixgNAFopwQgPjVeU9bLmyvtvNZD9OB8

Forum teşkilâtçıları, 2014 senesi Qırım işğal etilgen soñ meydanğa ketirilgen 4 Rusiye tarafdarı olğan teşkilât oldı. Türkiye ise Qırım işğalini tanımay ve Ukraina topraq bütünligine qoltutmağa devam ete.

Evel, Birleşken Milletler Teşkilâtınıñ insan aqlarını nezaret etüv missiyası, Rusiye Federatsiyasını Qırımtatar Milliy Meclisi yasağını lâğu etmesine davet etti.

Menba UATV
tarih 01.10.2019
kategoriyalar QIRIM
paylaşmaq
UA|TV top haberleri