Türkiye Suriyedeki operatsiyağa azırlıqnı yekünledi

uatv
08.10.2019
Foto T.C. Millî Savunma Bakanlığı

Türkiye Mudafaa nazirligi, Suriyeniñ şimalindeki arbiy operatsiyağa azırlıqnıñ yekünlenilmesi aqqında bildirdi.

Bu aqta idareniñ matbuat hızmeti Twitter saifesinde haber etti.

Türkiyeniñ Mudafaa nazirligi, Suriyeniñ ealisi içün barışıq koridor ve telükesiz mıntaqanıñ yaratıluvı pek müim olğanını qayd etti. Bunıñ ile, bölgede turğunlıq olmaq kerek, dep qoştı.

“Türkiye Silâlı quvetleri Baş ştabı, sıñırlarımızda terroristik koridor yaratılmasına iç bir vaqıt yol bermez. Operatsiyağa azırlıq yekünlendi”, – dep bildirdiler nazirlikte.

Öz nevbetinde Amerkia Birleşken Devletleri, Türkiyeniñ bu operatsiyasına qoltutmaycaqlarını bildirdi.

Hatırlatamız: Rusiye ve Çin, Birleşken Milletler Teşkilâtınıñ Suriye hususunda beyannamesini red etti.

Menba UATV
tarih 08.10.2019
kategoriyalar Dünya
paylaşmaq
UA|TV top haberleri