Türkiye Qırım işğalini iç bir vaqıt tanımaycağını kene bildirdi

uatv
30.01.2020
Foto Ukrinform-UATV

Türkiye başlıqları Rusiye tarafından Qırım işğalini tanımağan edi ve iç bir vaqıt tanıymacaq.

Bu aqta mebus Yıldırım Tugrul Türkeş ukrain diplomatlarınen körüşüv vaqtında bildirdi.

“Türkiye devleti ve parlamenti er şartlarda Ukraina topraq bütünligine qoltuta, Qırım işğalini iç bir vaqıt tanımağan edi ve tanıymacaq. Bu aqta ükümetimiz adından da bir çoq bildirmeler oldı, bu sualde qatiylik ve israrlıqdeñişmegen qala”, – dedi o.

Körüşüv vaqtında taraflar Ukraina-Türkiye munasebetleriniñ inkişafı aqqında laf etti.

Qayd etmelimiz ki, fevralnıñ 3-nde Türkiye prezidenti Recep Tayip Erdogan Kyivge resmiy ziyaretke kelecek.

Hatırlatamız: Halqara teşkilâtlar Rusiye tarafından Qırımnıñ işğalini qanunsız, dep tanıdı. Ğarbiy memleketler Ukraina topraq bütünliginiñ bozulması sebebinden Moskvağa qarşı iqtisadiy sanktsiyalar qoydı.

Джерело UATV
дата 30.01.2020
категорії QIRIM
поділитися
Топ новин на UA|TV