Türkiye prezidenti 500 qırımtatar qorantasına ev qurulacağı aqqında bildirdi

uatv
04.02.2020
Foto skrin

Türkiye prezidenti Recep Tayip Erdoğan, Ukraina prezidenti Volodımır Zelenskıynen 500 qırımtatar qorantasına beraberlikte ev qurulması aqqında añlaşqanları aqqında aytıp berdi.

Bu aqta o, matbuat konferentsiyası vaqtında bildirdi.

“Biz prezident Zelenskıynen 500 qırımtatar qorantasına ev qurmağa qararğa keldik. Ve biz beraberlikte çalışacaqmız. Bizim mütehassıslarımız mında kelecek, leyha azırlaycaq ve ukrain ekspertlerinen beraberlikte bizim tez quruvımız başlanacaq,, – dedi Erdoğan.

Fevralnıñ 3-nde Türkiye prezidenti Recep Tayip Erdoğan Ukrainağa resmiy ziyaretke keldi.

Resmiy körüşüv vaqtında Ukraina prezidenti Türkiye devlet başınen Rusiye ve işğal etilgen Qırımda insan aqları bozuluvlarını muzakere etti. Volodımır Zelenskıy qırımtatar siyasiy mabüslerni azat etmek içün yardım istedi.

Körüşüvden soñ Türkiye devlet başı Ankara Qırımnıñ qanunsın işğalini iç bir vaqıt tanımaycağını bildirdi.

Джерело UATV
дата 04.02.2020
категорії QIRIM
поділитися
Топ новин на UA|TV