Türkiye ordusı Suriyede: ABD Ankarağa qarşı büyük sanktsiyalar qoyacaq dep, teqdit etti

uatv
10.10.2019
Foto Facebook ABD-de Ukraina Elçiligi

Türkiye, Suriyeniñ şimalinde kurdlarğa qarşı arbiy operatsiyanı başladı. Öz nevbetinden, Amerika senatorları Ankarağa qarşı büyük sanktsiyalar qoyulması aqqında qanun leyhasını azırladı.

Bu aqta cumhuriyetçi Lindsi Grem Twitterde yazdı.

Onıñ bildirgenine köre, o, demokratlarnen bu sualde kelişim olğan.

“Mudiriyet Türkiyege qarşı areket etmege istemese bile, men küçlü eki fırqalı destekni bekleyim (Kongress)”, – dep qayd etti Grem.

Teklif etilgen sanktsiyalar, Türkiye prezidenti, vitse-prezidenti, mudafaa, tışqı işler, maliye, ticaret, energetika nazirleri aktivleriniñ buzlatılmasını közde tuta. Bunıñ ile söz, Amerika Birleşken Devletlerine kirüv yasağı aqqında da kete.

Hatırlatamız: Suriyeniñ şimalinde Türkiye Silâlı quvetleri arbiy operatsiyanı başladı. Erdoğannıñ aytqanına köre, operatsiya Türkiyege qarşı terroristik telükelerni yoq etmek kerek.

Menba UATV
tarih 10.10.2019
kategoriyalar Dünya
paylaşmaq
UA|TV top haberleri