Tünevin tevqif etilgen Qırımtatarlar avgustnıñ 5-ce apiste qaldırıldı

uatv
11.06.2019
Foto Qırım Birdemligi

Aqmescitniñ işğalci makemesi iyunniñ 10-nda tintüvler vaqtında tutulğan Enver ve Riza Ömerovlar, Eskender Suleymanov ve Ayder Cepparovnı avgustnıñ 5-nece apiste qaldırdı.

Bu aqta Qırım.Aqiqat haber etmekte.

FSB hadimleri 58 yaşındaki Enver Ömerovnı “terroristik teşkilâtnı teşkil etilüvde”, Suleymanov ve Cepparovnı ise “terroristik teşkilâtnıñ faaliyetinde iştirak etüvde” qabaatlaylar. Makeme oturışları qapalı rejimde keçti.

Bugün, iyunniñ 11-nde Aqmescitniñ işğalci makemesi Eldar Kantemirov, Ruslan Mesutov, Ruslan Nagaєv ve Lenur Halilov içün sıñırlav tedbirini belgileycek. Olar da iyunniñ 10-nda tevqif etilgen edi.

Menba Qırım. Aqiqat
tarih 11.06.2019
kategoriyalar QIRIM
paylaşmaq
UA|TV top haberleri