Tokayevniñ işğal etilgen Qırım aqqında bildirüvinden soñ Ukraina Qazahistanğa demarşlar yapacaq

uatv
05.12.2019
Foto Ukrinform-UATV

Ukraina Tışqı işler nazirligi, Qazahistan prezidenti Kasım-Jomart Tokayevniñ ukrain Qırımınıñ Rusiye tarafından işğalini inkâr etmesine dair aytqanları aqqında kütleviy haber vastalarınıñ bildirüvlerinden raatsızalana.

Bu aqta Ukraina Tışqı işler nazirligi matbuat kâtibi Yekaterina Zelenkonıñ cevabında yazıla.

Ukraina Qazahistannı daima dost ve ortaq kibi saya edi, dep qayd etile.

“Qarşılıqlı işanç, mustaqillik, suverenitet ve topraq bütünligine ürmet, musaviylik, bir-biriniñ içki işlerine kirişmemek ve halqara uquqnıñ maddelerine riayet etüv Ukraina ve Qazahistan cumhuriyeti arasındaki memleketlerara munasebetlerniñ temelinde olğan printsiplerdir. Bu 1994 senesi Dostluq ve işbirlik aqqındaki añlaşmada qayd etilgen ve o vaqıttan berli bizim devletimiz buna riayet etti”, – yazıla beyanatta.

Qazahistan Cumhuriyeti prezidentiniñ sözleri em Ukraina-Qazahistan munasebetlerine em de Birleşken Milletler Teşkilâtı Baş Assambleyasınıñ qararında (№A/RES/68/262 2014 sensi martnıñ 27) qayd etilgen pözitsiyağa da zıt kele.

“Eki memlekette azası olğan Avropada işbirlik ve telükesizlik teşkilâtınıñ nazirler oturışı arfesinde bu sözler aytılğanı pek yazıq. Soñki Helsinki qararnamesine köre bu teşkilâtnıñ esas printsiplerinden birisi ise – devletlerniñ suvereniteti ve topraq bütünligini ürmet etmektir. Qazahistanğa demarşlar yapacaq”, – dediler idarede.

Evel, Qazahistan prezidenti Kasım-Jomart Tokayev Rusiye Ukrainağa ait yarımadanı öz toprağına «qoşqanı» aqqında ilân etken 2014 senesi Qırımda olıp keçken adise-vaqialarnı ilhaq dep adlandırmağa istemey.

Джерело UATV
дата 05.12.2019
категорії QIRIM
поділитися
Топ новин на UA|TV