Tınç okeanda çöplük toplaycaq cihaz çalışıp başladı

uatv
23.06.2019
Foto Тwitter Boyan Slat

Tınç okeanda artıq ekinci kere çöplükni cıyğan cihaz işini başladı. Bu mahsus tertibat Kaliforniâ ve Havaii civarlarında plastik qalımtılarnı toplaycaq.

Bu aqta The Guardian’ğa esaslanaraq Korrespondent haber etmekte.

“Qapqan” tek okeannıñ üstündeki çöplüklerni cıya. Temizlev terenligi – tahminen üç metr. Bu, yaratıcılarnıñ sözlerine köre, suv altındaki ayatqa keder etmemege yardım ete.

Beyanatta qayd etilgenine köre, 600 metronı teşkil etken platforma keçken sene yırtıldı, onı tamirlenmesi ise dört ay sürdi.

O vaqıt cihaznı San-Frantsiskodan yibergen ediler, amma o, dalğa ve yelniñ basımını keçirip olamadı.

“Umüt etem ki, bu sefer tabiatnıñ biz içün büyük sürprizleri yoqtır. Er aldı, bu kampaniyadan çoq şeyge ögrenmege niyetindemiz”, – dep yazdı Twitter saifesinde Boyan Slet, okean temizlenilmesinden leyha müellifi.

Menba Korrespondent
tarih 23.06.2019
kategoriyalar TEHNOLOGİYALAR
paylaşmaq
UA|TV top haberleri