“Teslimiyetke yoq”: bütün Ukraina boyunca “Ştaynmayyer formulasına” qarşı narazılıq aktsiyalar olıp keçti

uatv
07.10.2019
Foto Twitter/itsector

Oktâbrniñ 6-nda, bazar künü, Kyivden ğayrı Ukrainanıñ bir çoq şeerinde “Ştaynmayyer formulası” imzalanılmasına qarşı “Teslimiyetke yoq” narazılıq aktsiyalar olıp keçti.

Bu aqta UATV haber ete.

Lviv1256 yerli haber vastası bildirgenine köre, Lvivde biñden ziyade sakin Taras Şevçenko abidesi yanına veçege toplaşqan.

Tedbir Ukraina gimni icra etüvinden ve Donbassta elâk olğanlarnıñ hatırasına sukünet daqqasınen başlandı.

Harkivde miting Azatlıq meydanında olıp keçti.

Aktsiya teşkilâtçıları, yerli sakinlerni prezidentke hitapname izmalamağa davet etti. Soñra bu vesiqanı faaller vilâyet ve şeer şuraları vastasınen prezidentke yollaycaqlar.

Vinnıtsâda Kök yüzlügi meydanında, “Teslimiyetke yoq” şiarınen veçege 300-den ziyade şeer sakini toplaştı.

Dniproda adamlar vilâyet devlet memuriyeti binası yanında toplaştı.

Bunıñ ile üylege yaqın Krıvıy Rig şeerinde Mira caddesine veçe oldı.

Narazılıq aktsiyalar Ukrainanıñ 30-dan ziyade şeerinde ve memleket tışında olıp keçti.

Foto facebook.com/babaandkit

Oktâbrniñ 1-nde, Minskte Donbassta vaziyetniñ tınç çezilmesinden Üç taraflı kontakt gruppasınıñ mahsus oturışı olıp keçti. Oturış neticelerine köre, Ukraina prezidenti Volodımır Zelenskıy mahsus brifing keçirdi.

Menba UATV
tarih 07.10.2019
kategoriyalar CEMİYET
paylaşmaq
UA|TV top haberleri