Svâtoslav Vakarçuk, Sentsovnıñ “Nomera” pyesası esasında çıqarılacaq film içün muzıka yaratıluvı üzerinde çalışa

uatv
05.02.2019
Foto twitter/s_vakarchuk

Şimdiki vaqıtta, ukrain yırcısı ve “Okean Elzı” taqımınıñ lideri Svâtslav Vakarçuk, Kreml mabüsi Oleg Sentsovnıñ “Nomera” bir adlı pyesası esasında çıqarılacaq filmge muzıka yaza.

Bu aqta taqım lideri öz Twitter saifesinde yazdı.

Filmge yazılğan muzıkalarnı diñleyiciler ne vaqıt eşitip olacağı aqqında yırcı malümat bermedi.

Ukrainada Oleg Sentsovnıñ “Nomera” pyesası esasında film çıqarılacaq. Pyesada, azat olmağa tırışqan apisli cemiyet aqqında ikâye etile. Qaramanlarda ad yerine – nomeralar.

Film büceti yarım million dollardan ziyade. Paranıñ çoqusı devlet bücetinden ayırılacaq. Sentsovnıñ tatası, Natalya Kaplan, aytqanına köre, Oleg özü de mektüpler vastasınen film üzerinde çalışacaq.

Джерело UATV
дата 05.02.2019
категорії MEDENİYET
поділитися
Топ новин на UA|TV