“Ştaynmayyer formulası” Minsk añlaşmalarınıñ yerine ketirilmesine yardım etecek, – OSCE

uatv
09.10.2019
Foto OSCE

Avropada işbirlik ve telükesizlik teşkilâtınıñ Parlament assambleyası “Ştaynmayyer formalası” metini aqqında kelişüvge qoltuttı. Teşkilâtnıñ Parlament assambleyası prezidenti Georgiy Tsereteli, bu formula Minsk añlaşmalarınıñ yerine ketirilmesine yardım ete bile, dep bildirdi.

Bu aqta Avropada işbirlik ve telükesizilik teşkilâtı Parlament assambleyası prezidentiniñ bildirüvinde yazıla.

“Ukraina şarqında adamlarnıñ azaplarını yengilleştirmek içün yekâne usul bu adım-adım yañaşma. İleride bazı añlatmalarğa ihtiyac olğanına baqmadan, “Ştaynmayyer formulası” Minsk añlaşmalarınıñ yerine ketirilmesine kerçekten de yardım ete bile”, – dedi Tsereteli.

Onıñ aytqanına köre, Avropada işbirlik ve telükesizilik teşkilâtı Parlament assambleyası Minsk añlaşmalarınıñ yerine ketirilmesi içün kerekli adımlarğa qoltutmağa azır.

Evel, Volodımır Zelenskıy Ukraina “Ştaynmayyer formulasına” razı oldı, dep bildirdi.

Menba UATV
tarih 09.10.2019
kategoriyalar SİYASET
paylaşmaq
UA|TV top haberleri