Soñki yigirmi dört saat içinde RF uçaqlarnıñ bozuqlığı sebebinden eki uçuş yapılmadı

uatv
13.05.2019
Foto volyn24.com

Mayısnıñ 13-nde gece Rusiyede Krasnodardan Çelâbinskke ketken SSJ-100 yolcu uçağı tehnikiy bozuqlıq sebebinden 1,5 saatqa keç qaldı.

Adamlar başqa uçaqqa avuştırıldı, haber eten TSN.

Tehnikiy bozuqlıqlar aqqında, “Şeremetyevo” ava limanından Samarağa ketken daa bir uçaqnıñ erkânı bildirdi. Superjet yolcu uçağı uçqan soñ birden ava limanına qayttı, çünki şişirme sistemasınıñ bozuqlığı aqqında signal işledi.

Ne ise, uçucular uçaqnı muvafaqiyetnen qondırdılar.

Keçende Rusiyede Sukhoi Superjet 100 çeşiti uçaqlarınıñ 4 uçuşı yapılmadı.

Mayısnıñ 5-nde, “Şeremetyevo” Moskva ava limanına qaza sebebinden qonğan Superjet-100 uçağında bulunğan 78 yolcudan 41-ri elâk oldı, olarnıñ arasında bir kişi ekipaj azası.

Menba UATV
tarih 13.05.2019
kategoriyalar Dünya
paylaşmaq
UA|TV top haberleri