Soñki yarım yılda Qırımda siyasiy mabüslerniñ sayısı arttı

uatv
16.10.2019
Foto  mtot.gov.ua

Qırım işğalinden soñ ket-keterek qırımtatarlarğa qarşı basqı arta. Tek soñki yarım yılda işğal etilgen yarımadada siyasiy mabüslerniñ sayısı eki qat arttı.

Bu aqta “Qırım Birdemligi”niñ azası Mümine Saliyeva bildirdi, dep haber ete Ükrinform. 

Onıñ sözlerine köre, er bir siyasiy mabüs bilinmek kerek. Çünki işğalciler tek aktiv cemaat baqışı olğan insanlarnı tevqif ete. 

“Eger sözde “Hizb ut-Tahirir Davası”nıñ materiallarını ögrensek, olarnıñ iç ir delilge esaslanmayıp, uydurılğan olğanını körermiz. birinci gruppa saqatı Edem Bekirovnıñ taqip etilmesini ögrensek – onıñ da işi olmaycaq bir şeylerden qurulğanını körecekmiz, eger Milliy Meclis yasaqlanmasına baqsaq, insanlar sadece qırımtatarı olğanı içün taqip etilmesini körmek mümkün. İnsanlar dini, baqışları, tüşünceleri içün taqip etile”, – dedi siyasiy mabüs Seyran Saliyevniñ ömür arqadaşı. 

Menba UATV
tarih 16.10.2019
kategoriyalar KREML MABÜSLERİ
paylaşmaq
UA|TV top haberleri