Sloveniya, Ukrainağa Avropa Birliginde mahsus status berilmesini teklif ete

uatv
04.09.2019
Foto AР

Sloveniya prezidenti Borut Pahor Avropa Birligine, Ukraina ve Türkiyege mahsus status bermege teklif etti.

Bu aqta, o, Bled (Sloveniya) şeerinde olıp keçken 14-nci Strategik forumda Avropa Birligi kelecegi aqqında munaqaşalrda çıqışta bulunğanda bildirdi.

Bunıñ ile Pahor Brükselge Ğarbiy Balqanlar memleketlerine tam azalıqnı bermege teklif etti.

Türiye Tışqı işler naziri Mevlüt Çavuşoglu ise Pahornıñ teklifini endi tenqit etti.

Onıñ aytqanına köre, Ankara Avropa Birliginiñ tam uquqlı azası olmağa istey.

Türkiye Avropa iqtisadiy toplulığına (Avropa Birligi selefi) azalıq arizasını daa 1987 senesi berdi. 1997 senesi Avropa Birligine azalıq aqqını aldı, qoşuluv aqqında aytışmalar ise 2004 senesi başlandı.

Amma, 2007 senesi Qıbrız yunanları memuriyetiniñ itirazları ve Almaniya ve Frenksitan pozitsiyaları sebibnden aytışmalar toqtatıldı.

Avropa Birliginiñ bütün tarihı devamında eñ büyük yardımnı Brüksel Ukrainağa berdi.

Menba UATV
tarih 04.09.2019
kategoriyalar UKRAİNA VE AB
paylaşmaq
UA|TV top haberleri