Siyasiy mabüslerniñ 66 qorantasına maddiy yardım berildi

Vadim Çernış yardım programmasınıñ vaqtı uzatılacağını bildirdi

uatv
25.12.2018

Foto Ukrinform-UATV

Ukrainanıñ Vaqtınca işğal altındaki topraqlar ve ülkeler içinde yerini deniştirgen şahıslar meseleleri nazirligi bildirgenine köre, siyasiy mabüsler ve olaranıñ qorantaları içün devlet tarafından berilgen maliyeviy yardımnı artıq 66 qoranta alğan. Haber etti idareniñ matbuat hızmeti. 

“Yılnıñ soñkna qadar komissiya toplaşuvı keçirilecek ve nazirlikke endi kelgen arizalar baqılacaq. Yılnıñ soñunda, maddiy yardımnı alğan adamlarnıñ umumiy sayısı aqqında bildirecekmiz. Qayd etmek isteyim ki, Nazirlik er şeyni keç qalmadan becere, vesiqalar kelgeninen komissiya toplaşuvı keçirile”, – dep qayd etti Vadim Çernış.

Onıñ sözlerine köre, Yañı yıl bayramlarğa taba komissiyana temsilcileri mümkün olğanı qadar çoq ariza baqıp çıqmağa niyetideler.

Ayrıca, Vadim Çernış 2019 senesinde yardım programması devam etecegini bildirdi.

“Rusiye Federatsiyası tarafından azatlıqta marum etilgen şahıslarğa devlet tarafından berilgen maliyeviy yardım programması ve Levko Lukyanenko adına stipendiya 2019 devlet bücetinde esapqa alındı. Onıñ içün parlar ödevü kelecek sene de devam etecek”, – qayd etti o.

Menba UATV
tarih 25.12.2018
kategoriyalar CEMİYET
paylaşmaq
UA|TV top haberleri