Siyasiy mabüsler Dudka ve Bessarabov maneviyat ceetinden sıqıştırıla, – Denisova

uatv
04.12.2019
Foto Facebook Crimean Human Rights Group

Ukraina Yuqarı Radası insan aqları vekâletlisi Lüdmila Denisova Kreml mabüsleri Volodımır Dudka ve Oleksiy Bessarabovnıñ akları bozulğanı aqqında malümat aldı.

Bu aqta Lüdmila Denisova öz Facebook saifesinde yazdı.

Ombudsmennıñ aytqanına köre, tutulğan tüzetüv müessiseniñ müdiriyeti siyasiy mabüslerni maneviyat ve ruhiyat ceetinden sıqıştıra.

“Bundan ğayrı, 2019 senesi sentâbrden başlap vatandaşlarımız etap etilmekteler. Belli olğanı kibi,şimdi olar Krasnodar taqiqat tevqitfhanesindeler”, – dep qayd etti Denisova.

O, Rostov-na-Donudaki Ukraina konsulı Taras Malışevskiyge Volodımır Dudka ve Oleksiy Bessarabovnıñ bulunğan yerini acele belgilemege, keregi kibi baquvğa aqları riayet etilgenini teşkermege ve mustaqil uquq ve tibbiyet yardım kösterimesini temin etmege rica etti.

Hatırlatamız: 2019 senesi Rusiye idaresi astındaki Aqyar mahkemesi Volodımır Dudkanı 14 yıl sert apis cezasına mahküm etti. O, 2016 senesi işğal etilgen Qırımda Federal telükesizlik hızmeti hadimleri tarafında tutıp alındı ve ukrain istihbaratınıñ buyurığınen yarımadada diversiyalarğa azırlıq körmesinen qabaatlanıldı.

Oquñız: Moskvadan Aqmescitke etap etilgen soñ “Ukrain diversantları davası” boyunca mahküm etilgen Volodımır Dudkanıñ sağlıq alı fenalaştı. Kene sürekli ağırlar köründi.

Menba UATV
tarih 04.12.2019
kategoriyalar KREML MABÜSLERİ
paylaşmaq
UA|TV top haberleri