Siyasiy mabüs Volodımır Baluhnıñ ceza izolâtorında bulunuv vaqtı uzatıldı

uatv
22.05.2019
Foto Radio Svoboda

Torjok şeerindeki №4 koloniyanıñ reberligi Kreml mabüsi Volodımır Baluhnı ceza izolâtorında tumağa devam ete.

Bu aqta rusiyeli aq-uquq qoruyıcı Viktoriya İvleva öz Facebook saifesinde yazdı.

Onıñ aytqanına köre, bir afta evelsi yepiskop Grigoriy Mihnov-Vaytenko cezahanege siyasiy mabüsnen körüşmek içün kelgen, amma oña Baluh mayısnıñ 31-ne qadar saat 14:45-ce ceza izolâtorında bulunacağını bildirgenler. Evel ise Kreml mabüsi ceza izolâtorında mayısnıñ 19-na qadar bulunacağı aqqında bildirilgen edi.

“Ne olıp çıqa, ceza izolâtorında bir bulunuv meddeti bitmezden Vova yañı ceza aldı. Ne içün, ne sebepten, bunıñ olması nasıl mümkün, iç olmadı bir qaç daqqağa ceza izolâtorında asla çıqtımı yeqmı, bütün vaqıt ceza izolâtorında bulunğanı içün oña berilmegen tuvğanlarından yollanğan şeylerni aldımı kibi suallerni yepiskop ögrenip olamadı”, – yazdı Viktoriya.

Volodımır Baluh endi bir aydan ziyade ceza izolâtorında tutula.

2019 senesi fevralnıñ 3-nde Volodımır Baluh Keriç cezahanesinden Aqmescitke etap etildi. 2019 senesi fevralnıñ 18-nde o Krasnodarğa ketirildi, fevralnıñ 24-nde ise ukrain endi Armavirde edi. Biraz soñra belli oldı ki, martnıñ 7-nde o Voronejnıñ taqiqat tevqifhanesinde edi, martnıñ 10-nda ise Yaroslavlde.

Şimdiki vaqıtta siyasiy mabüs Tver vilâyetindeki Torjok şeeriniñ №4 Tüzetüv cezahanesine buluna.

Qırım mahkemesi Volodımır Baluhnı, sahte ve uydurma qabaatlardan sebep qararnen 5 yıl apis cezasına mahküm etti. Rusiye Federaal Telükesizlik hızmeti esassız Qırım sakinini patronlar saqlap tutuvda ve tevqifhane reberini uruvda qabaatladı. Baluhnıñ imayesi ve uquq qoruyıcılar, o Ukraina tarafdarı olğanından sebep repressiyalar qurbanı oldı dep tüşüne.

Menba UATV
tarih 22.05.2019
kategoriyalar KREML MABÜSLERİ
paylaşmaq
UA|TV top haberleri