Siyasiy mabüs Volodımır Baluh Rusiyege etap etildi

uatv
19.02.2019
Foto rferl.org

Kreml mabüsi Volodımır Baluh Aqmescit taqiqat tevqifhanesinden Krasnodarğa etap etildi.

Bu aqta Qırımtatar Milliy Meclis reisi muavini Ahtem Çiygoz öz Facebook saifesinde yazdı.

Fevralnıñ 18-nde siyasiy mabüs ilhaq etilgen yarımadada artıq bulunmamağanı malüm oldı. Bu aqta faalniñ ömür arqadaşına taqiqat tenvqifhanesinde haber etildi.

İşğal etilgen Aqmescitteki taqiqat tevqifhanesi Volodımır Baluh içün yollanma alınmadı. Qırım uquq qoruyıcı gruppasını bildirgenine köre, yollanmanı onıñ ömür arqadaşı Natalya yibergen. Apishane hadimleri red cevabını sanki Baluhnıñ vesiqaları daa yoqluğınen añltqan ekenler. Siyasiy mabüs fevralnıñ 13-nde bulunğan Keriç cezahanesinden Aqmescit taqiqat tevqifhanesine avuştırılğan edi.

Menba UATV
tarih 19.02.2019
kategoriyalar KREML MABÜSLERİ
paylaşmaq
UA|TV top haberleri