Siyasiy mabüs Vladimir Yakimenkoğa bedeniy zorbalıq qullanıla, – Lüdmila Denisova

uatv
05.12.2019
Foto Ukrinform

Ukraina Yuqarı Radası insan aqları vekâletlisi Lüdmila Denisova Rusiye ombudsmenı Tatyana Moskalkovağa muracaat etken. Rusiye zenaatdaşından ukrain siyasiy mabüsi Vladimir Yakimenkoğa kerekli tibbiy yardım kösterilmesine yardım etmesini istegen.

Bu aqta o öz Facebook saifesinde yazdı.

“Alğan malümatıma köre, tüzetüv müessiseniñ hadimleri oña bedeniy zorbalıqlar çektirte, bu – büyreklerine ura, sıfırdan aşağı araret olğanda tışarığa çıqartıp soyunmağa mecbur eteler, bundan soñ ise uzun vaqıt devamında şahsiy şelerini teşkereler. Böyle munasebet vatandaşlığı sebebinden”, – yazdı Denisova.

Onıñ bildirgenine köre, Yakimenkonıñ sağlıq alı fenalaşqan: qırsaq ve köpürçik kemiginde ağrılar bar, bundan ğayrı tiş problemaları da bar.

“Sağlığınen olğan problemalarğa baqmadan, tüzetüv müemsisesiniñ tibbiyet hadimleri semetdeşimizge kerekli tibbiy yardım köstermey. Bundan ğayrı, Ukraina vatandaşını basqı altıdna tolu tibbiy baqınuvdan red ettirdiler”, – dep qayd etti ombudsmen.

Lüdmila Denisova Rusiye Federatsiyasında Ukraina meseleleri muvaqqat vekâletlisi Vasiliy Pokotiloğa Yakimenkonıñ baqıv şartlarını teşkermege rica etti.

Oquñız: Bugün, dekabrniñ 5-nde, “Enver Seytosmanovnıñ davası” hususında soñki mahke oturışı olıp keçti. Davanı Rusiyeniñ Rostov-na-Donu şeerindeki Cenübiy okrugınıñ arbiy mahkemesi baqtı.

Джерело UATV
дата 05.12.2019
категорії CEMİYET
поділитися
Топ новин на UA|TV