Siyasiy mabüs Vadım Siruk Rusiyeniñ taqiqat tevqifhanesinde mahsus blokata tutula

uatv
03.02.2020
Foto Qırım birdemligi

“Hizb ut-Tahrir davası” mabüsi Vadım Siruknıñ ömür arqadaşı Anna Bogaçeva Novoçerkassk şeeriniñ taqiqat tevqifhanesinde aqyını ziyaret etti.

Bu aqta “Qırım birdemligi” cemaat birleşmesi haber etti.

Onıñ aytqanına köre, siyasiy mabüsni mahsus blokqa qapatqanlar. O bir kişilik kamerada tutıla.

“Vadımnıñ körünişi yahşı, kamera sıcaq, dep ayta, büyrekleri pek ağırtmay, tibbiy baqınuv ise diger taqiqat tevqifhanelerinde olğanı kibi yapmaq mümkün degil. Kündüz – içeri azbarda bir saat kezinti. İlâcalar içe. Teşkerüv. Soñra kitap oqumaq mümkün”, – ayttı Anna.

Vadım Siruknıñ ömür arqadaşınıñ aytqanına köre, siyasiy mabüsler içün esas malümat menbası – bu mektüpler.

“Er vaqıt cevap berip olmasa bile, olar pek müim – üküm çıqarılğan soñ, matbuatta Yalta “Hizb ut-Tahrir davası” aman-aman yoq olğan soñ bile adamlar siyasiy mabüslerni unutmay”, – dep qoştı o.

Hatırlatamız: Noyabrniñ 12-nde Rostov-na-Donu şeeriniñ Cenübiy bölge arbiy mahkemesi Yalta “Hizb ut-Tahrir dava”nıñ 6 mabüsini sert apis cezasına mahküm etti. Mahkemeniñ qararına köre, Müslim Aliyev – 19 yılğa, İnver Bekirov – 18 yılğa, Emir-Üseyn Kuku – 12 yılğa, Vadim Siruk – 12 yılğa, Arsen Cepparov – 7 yılğa ve Refat Alimov – 8 yılğa mahküm etildi.

Джерело UATV
дата 03.02.2020
категорії KREML MABÜSLERİ
поділитися
Топ новин на UA|TV