Siyasiy mabüs Şumkovğa kerekli tibbiy yardım kösterilmey, – ombudsmen

uatv
08.11.2019
Foto Ukrinform-UATV

Аçlıqnı toqtatqan ukrain siyasiy mabüsi Оleksandr Şumkovğa kerekli tibbiy yardım kösterilmey.

Bu aqta Ukraina Yuqarı Radası insan aqları vekâletlisi Lüdmila Denisova Facebook saifesinde haber etti.

“Rusiyede qanunsız surette mahküm etilgen ve Tver vilâyetiniñ tüzetüv cezahanesinde tutulğag Оleksandr Şumkovnıñ aqları kene bozuldı”, – yazdı Denisova.

Onıñ bildirgenine köre, Şumkovda küçlü baş ağrıları, sırtı tarafında da şiddetli ağrılar bar ve tutuluvlar ola. İlâclar beri ve iñektsiyalar yapıla, amma berilgeni ne olğanı aytılmay.

“Bundan ğayrı, iñektsiyalar içün şpritsler başqa odada azırlana. Bundan sebep iñektsion hastalıqlar ola bile”, – qayd etti ombudsmen.

Lüdmila Denisova, tolu tibbiy baqıluv yapılsın ve kerekli tibbiy yardım kösterilsin dep, Rusiye insan aqları vekâletlisi Tatyana Moskalkovağa muracaat etti.

Оleksandr Şumkov Yevromaydan faal iştirakçisi oldı, Ukraina Silâlı Quvetlerinde hızmet etti. O, 2017 senesi avgustnıñ 17-nde aqşam tutıp alındı. Siyasiy mabüsniñ aytqanına köre, ona bir qaç erkek ücüm etti ve manşnağa oturttı, özüne kelgende ise o endi Rusiyede edi.

Menba UATV
tarih 08.11.2019
kategoriyalar KREML MABÜSLERİ
paylaşmaq
UA|TV top haberleri