Siyasiy mabüs Edem Bekirovnıñ aqciger yanğısı bar, – ömür arqadaşı

uatv
10.07.2019
Foto Facebook Anton Naumliuk

İşğal etilgen Qırımda, taqiqat tevqifhanesinde tutulğan ağır hasta qırımtatar faali Edem Bekirovnıñ aqciger yanğısı bar.

Bu aqta ömür arqadaşı Gülnara Bekirova Hersonda olıp keçken “Qırım kelecegi” adlı munaqaşalar vaqıtnda haber etti, dep bildire Ukrinform.

“Er şeyden ğayrı, onıñ daa aqciger yanğısı bar olğanını bildik, ve bugünde o antibiotik içe”, – dep qayd etti Bekirova.

Onıñ aytqanına köre, siyasiy mabüske antibiotik içmege teklif etkenler, amma ne sebepten kimse añlatmağan. Cevap ise tek resimy malümat talabından soñ berilgen.

HATIRLATAMIZ: 58 yaşlı Edem Bekirov birinci gruppa saqatı. Ayağı tızından aşağı taba kesip alındı, şeker ve daa bir qaç diger ağır hastalığı bar. Dekabrniñ 12-nde, Edem Bekirov qanunsız sürette işğal etilgen Qırım kirişinde Rusiyeniñ mahsus hızmetleri tarafından tutuldı. Qırımğa o, 78 yaşındaki anasını ve aqrabalarını ziyaret etmek içün yol tuta edi. O silâ ve patlayıcı maddeler saqlamasınen qabaatlana.

Menba Ukrinform
tarih 10.07.2019
kategoriyalar KREML MABÜSLERİ
paylaşmaq
UA|TV top haberleri