Siyasiy mabüs Cepparovnıñ sağlıq alı fenalaştı, – advokat

uatv
13.01.2020
Foto 24tv.ua

Al-azırda Rusiyeniñ Şahtı şeerinindeki taqiqat tevqifhanesinde tutulğan Yalta “Hizb ut-Tahrir davası” mabüsi Arsen Cepparovnıñ sağlıq alı fenalaştı.

Bu aqta advokat Ayder Azamatov öz Facebook saifesinde haber etti.

“Arsenniñ qulaqları arqasında eki çeşit çiban çıqtı, pek ağıra. Bunıñnen beraber, Arsenniñ yüksek qan basımı, baş ağrısı ve betinde çıqqan yağ cismi problemleri bar edi”, – dep yazdı advokat.

Onıñ aytqanına köre, taqiqat tevqifhanesiniñ müdiriyeti mabüsniñ sağlığı fenalaşqanına qulaq asmay, tibbiy yardım kösterilmesine dair ağzaviy ve yazma arizalarına emiyet bermey.

Azamatov, Ukrainanıñ Rostov vilâyeti Baş konsulı Taras Malışevskiyge haber etildi, dep qoştı. Ve o, yaqın vaqıtta Arsen Cepparovnı ziyaret etme kerek.

Джерело UATV
дата 13.01.2020
категорії KREML MABÜSLERİ
поділитися
Топ новин на UA|TV